सिडियोले टयाक्टर चलाएर महोत्तरीमा धान रोइ गरे ( फोटो फिचर )

 तराईका अधिकांस भुभागमा सिंचाईको अभावमा खेतहरु बाझै रहेकोमा चिन्ता जताउदै प्रजिअ काफ्लेले धान रोपाई पश्चात कृषकहरुलाई सम्बोधन गर्दै आकाशे पानीको मात्रै भर नपरी पानीको अन्य स्रोतहरुको समेत उपयोग गरि खेती गर्न कृषकहरुलाई आग्रह गर्नु भएको छ ।

प्रमुख जिल्ला अधिकारी दिपक काफ्ले धान रोप्दै (बाँयाबाट पहिलो)  ,तस्वीर ः राजकरण महतो, बर्दिवास, महोत्तरी 

 रंजन भण्डारी
जलेश्वर,असार १५ गते ।
महोत्तरीको गौशाला नगरपालिका ४ निगौलमा असार १५को मौका पारी धान दिवस मनाईएको छ ।
जिल्ला कृषी विकास कार्यालय महोत्तरीका कार्यालय प्रमुख शुकेश्वर झाको विशेष आग्रहमा प्रमुख जिल्ला अधिकारी दिपक काफ्लेले टया्क्टरले खेत जोत्नुका साथै धानको रोपाई समेत गरेका छन । प्रजिअ काफ्लेको कृषी प्रतिको मोह देखेर सो ठाउका कृषकहरु उत्साहित भई प्रजिअ संगै सवै खेतमा होमिएका थिए ।
असार १५ लाई धान रोपाईकोलागी उत्कृष्ट दिन मानिएकोले पनि महोत्तरीमा २०६२ साल देखि धान दिवस मनाईदै आईएको छ ।

यसरी असुल्दै छन् निजी विद्यालयहरुले रकम

काठमाडौँ । निजी विद्यालयले भूकम्पपछि बिदा अवधिको शुल्क छुट दिने सहमति कार्यान्वयन नभएको पाइएको छ । यही असार ६ गतेदेखि शिक्षा विभागको नेतृत्वमा गरिएको अनुगमनबाट मासिक शुल्कको सट्टा अन्य विभिन्न शीर्षकमा शुल्क लिएको पाइएको हो ।

यही जेठ ३१ गते शिक्षा मन्त्रालय, १३ विद्यार्थी सङ्गठन र निजी विद्यालय सञ्चालकबीच उक्त अवधिको ५० प्रतिशत शुल्क मिनाहा गर्ने सहमति भएको थियो । यसअघि वैशाख ६ गते भएको अलग्गै सहमतिमा वृद्धि गरिएको शुल्क फिर्ताको पनि कार्यान्वयन भएको छैन । उक्त सहमतिपछि विभागका अधिकारी, अभिभावक सङ्घ नेपाल, प्याब्सन, एनप्याब्सन र विद्यार्थीको संयुक्त टोलीले अनुगमन सुरु गरेको थियो ।

पहिलो चरणअन्तर्गत एक हप्तामा काठमाडौँ उपत्यकाका १६ विद्यालयको अनुगमन गर्ने लक्ष्य रहेको बताइएको छ । विभागका निर्देशक खगेन्द्र नेपालले शिक्षा निर्देशिका लागु भए, नभएको, शुल्क फिर्तालगायत विषयमा काठमाडौँ उपत्यकाका तीन जिल्लामा नमुनाका रुपमा अनुगमन गरिएको जानकारी दिनुभयो । अभिभावक सङ्घका उपाध्यक्ष सरिता अर्यालले अनुगमनका क्रममा विद्यालयले कम्प्युटर, यातायात, खानालगायत शीर्षकमा बिल काट्ने गरेको देखिएको बताउनुभयो ।

असार १५ सम्ममा ८ प्रतिशत मात्रै रोपाईं , यसपालि धान उत्पादन घट्ने अनुमान , यसपाली सिरहा सहित ७३ जिल्लामा करिब १४ लाख २५ हजार हेक्टर जमिनमा धान खेती हुने

१५ असार-
 कृषि प्रधान देश नेपालमा असार लागिसक्दा पनि पर्याप्त पानी नपर्दा अधिकांश खेतहरु बाँझै छन् । हालसम्म जम्मा ८ प्रतिशत मात्र रोपाइँ भएको छ ।कृषि विकास मन्त्रालयकाअनुसार नेपालका ७३ जिल्लामा करिब १४ लाख २५ हजार हेक्टर जमिनमा धान खेती हुन्छ । धान नेपालको प्रमुख खाद्यान्न बाली हो । सबैभन्दा धेरै धान खेती झापामा हुन्छ भने सबैभन्दा कम मुस्ताङमा । नेपालको सबैभन्दा उच्चस्थानमा धान खेती हुने स्थान जुम्लाको छुमचौर हो ।
धान उत्पादन घट्ने अनुमान

मनसुनी वर्षा ढिलो भएकाले समयमा रोपाइँ गर्न नपाउँदा यसपाली धान उत्पादन घट्ने अनुमान गरिएको छ । मौसम पुर्वानुमान महाशाखाले यसपाली कम पानी पर्ने घोषणा गरिसकेको छ । ढिला मनसुन सुरु हुँदा त्यसको असर खाद्य उत्पादनमा पर्दछ ।नेपालमा गत वर्ष ४८ लाख मेट्रिक टन धान उत्पादन भएको थियो । जुन अघिल्लो वर्षको तुलनामा २ लाख मेट्रिक टन कम हो । यसपाली गत वर्षको भन्दा पनि कम धान उत्पादन हुने अनुमान गरिएको छ ।कृषि विकास मन्त्रालयका प्रवक्ता उदयचन्द्र ठाकुरले समयमा पानी नपर्दा ६ लाख ७७ हजार मेट्रिक टन कम धान उत्पादन हुने अनुमान गरिएको बताए ।नेपालमा धानको उत्पादन सरदर प्रतिहेक्टर तीन हजार किलो हुन्छ । पहिले पहिले नेपालबाट अन्य देशमा धान निर्यात हुन्थ्यो तर अहिले आयात गर्नुपर्ने अवस्था छ । नेपालमा उत्पादित धानले नपुग्ने भएकालले विदेशबाट वर्षेनी आयात गर्नुपर्ने बाध्यता आइपरेको हो ।नेपालले प्रतिवर्ष १० लाख मेट्रिक टन धान आयात गर्छ । चालु आर्थिक बर्षमा भारतबाट १४ अर्ब रुपैयाँको धान आयात गरिएको कृषि मन्त्रालयको तथ्यांक छ ।यसो हुनुमा युवा जनशक्ति पलायन, सीमित व्यक्तिका हातमा प्रचुर जमिन, जग्गाको खण्डीकरण, खेतीयोग्य भूमि घडेरीकरण, आकासे पानीमा निरर्भर, सिँचाइको अभाव, उन्नत जातका बिउविजन तथा मलखाद एवम् कृषि अनुदानको राम्रो व्यवस्था नहुनु, किसानले उचित मूल्य नपाउनु, सरकारी उदासिनता र शिक्षित वर्गबाटै कृषि पेसालाई उपहास गर्नु प्रमुख कारण मानिएको छ ।

वितल ३ दिनसँ जनकपुरसँ चलबला बससभके बन्दी फिर्ता भेल

फुलगेन मुखिया
जनकपुर १४ असार ।
वितल ३ दिनसँ जनकपुरसँ चलबला बससभके बन्दी फिर्ता भेल अछि । धनुषाक प्रमुख जिल्ला अधिकारीक अध्यक्षतामे भेल बैसारसँ जनकपुर अञ्चल बस व्यवसायी संघ , यातायात मजदुर संघ बीच बार्ता भ ९ सुत्रीय सम्झौताक बाद पुर्व अवस्थामे बस संचालन करबाक सहमति भेलाक बाद बससभ सुचारु भेल अछि । पकराएल ५ गोटे मध्ये ३ गोटे उपर सर्वजानिक अपराध आ २ गोटे उपर लागु औषधि प्रयोग सम्बन्धि मुद्दा चलएबाक सहमति भेल अछि । बस मजदुरके प्रशासन काल्हिे छोड देने छल । बैसारमे जनकपुर यातायात प्रमुख ।अनुसन्धानक एस पी सहायक प्रमुख जिल्ला अधिकारीक उपस्थित रहल जनकपुर अंञ्चल बस व्यवसायी संघक अध्यक्ष मनोज चौधरी जनकारी देलन्हि अछि ।

दूई दिन देखि अवरुद्ध यातायात सेवा आज देखि सुचारु

जनमपुरधाम १४ असार ।
दूई दिन देखि अवरुद्ध यातायात सेवा आज देखि सुचारु भएको छ । जनकपुर अंचल बस व्यवसायी संघ र स्वतन्त्र मजदुर संगठनले संयूक्तरुपमा जिल्ला प्रशासन कार्यालय धनुषामा भएको ९ बुन्दे सहमती पछि आफ्नो घोषित आन्दोलनको सम्पूर्ण कार्यक्रमहरु फिर्ता लिएका छन् । ज्ञातव्य होस् दुई दिनपूर्व जनकपुर जटही सडक खण्डमा चालक र परिचालक माथि कुटपिट गरेको भन्दै संलग्न पाँचु युवकलाई कारवाहीको माँग गर्दैै र आफ्नोे यातायात मजुदरलाई स–सम्मान छोड्न भन्दै आन्दोलनमा होमिएका थिए ।

बजारमा ग्याँस नपाएपछि नक्टाझिज स्थित नोबेल ग्याँस उद्योगको गेट बाहिर ग्याँस पाउने आशमा सर्वसाधारण । क्लिक: विकास कुमार साह

धनुषामा सवारी दुर्घटनामा डेढ गुणा वृद्धि

हावा खोलेर हुँदैछ जनकपुरधामको ट्राफिक व्यवस्थापन

बीपी साह, जनकपुरधाम । आइतबार मध्यान्ह सवा १२ बजे जनकपुर अञ्चल अस्पताल अगाडि धनुषा सबैलाका मदन यादव ट्राफिक जवानप्रति आक्रोसित हुँदै मोटरसाईकल डो¥याउँदै थिए । कारण थियो, जनकपुर अञ्चल अस्पतालमा भर्ना भएका उनको आफन्तको लागि रगत दिने मान्छेलाई गाउँबाट ल्याउनु पर्ने थियो । तर, उनी १० मिनेटअघि मोटरसाईकल लगाएर विरामीलाई भेटेर फर्केपछि उनको मोटरसाईकलको हावा खोलिएको थियो । 

 

उनले हुलाकी न्यूजकर्मीलाई भने,‘सरकार मान्छेको ज्यान जोगाउनका लागि हो कि मान्छेको ज्यान लिनका लागि ? मेरो आफन्त अस्पतालमा रगतको अभावले मर्दैछ, मलाई रगत दातालाई तत्काल ल्याउनु पर्नेछ । तर, ट्राफिक जवानले मेरो मोटरसाईकलको हावी खोलि दिए । नजिकमा हावा हाल्ने ठाउँ पनि छैन । आज सार्वजनिक बसहरु पनि चलेको छैन । म के गरुँ ?’

 

विरामी लिएर अञ्चल अस्पताल आउने अधिकांशले यस्तै समस्या भोगिरहेका छन् । मोटरसाईकल, साईकल वा अन्य सवारी लिएर आउनेहरुका लागि अञ्चल अस्पतालमा पार्किङ्गको सुलभ व्यवस्था छैन । अस्पताल अगाडिको सडकमा पार्किङ्ग गर्नुपर्ने बाध्यता छ । अस्पताल प्रशासनले सवारी साधनलाई अस्पताल परिसर प्रवेशमा रोक लगाएको छ । बाध्य भएर सर्वसाधारणले सडकमा पार्किङ्ग गर्दा ट्राफिक जवानले हावा खोल्ने गरेका छन् । 

 

अञ्चल अस्पतालमा मात्र होइन, जानकी मन्दिरको छेउछाउमा पनि पार्किङ्ग गरिएका मोटरसाईकलहरुको ट्राफिक जवानहरुले हावा खोल्ने गरेको स्थानीयबासीहरुको भनाई छ । 

 

यता जनकपुर अञ्चल अस्पतालका मेडिकल सुपरिटेन्डेन्ट डा.संजय ठाकुरले हुलाकी न्यूजलाई अस्पतालले सवारी पार्किङ्गका लागि अस्पतालको पश्चिम पट्टिको सडक बनाएको बताए । मेसु ठाकुरले भने,‘हामीले पार्किङ्गको व्यवस्थापन गरेपनि त्यो प्रभावकारी हुन सकेको छैन । अस्पताल वरपरको ट्राफिक व्यवस्थापनका लागि हामीले ट्राफिक विटको माग गरेका थियौं तर ट्राफिक प्रमुख ज्ञानकुमार महतोले आलटाल गर्दै आएका छन् । नगरपालिकाले पनि यस विषयमा ध्यान दिएको छैन ।’

 

यता धनुषाका ट्राफिक प्रमुखलाई सम्पर्क गर्दा उनी परीक्षामा सहभागी हुन गएको जानकारी दिइयो । धनुषा ट्राफिकका सई राजिव सिंहले हुलाकी न्यूजसँग कुराकानी गर्दै भने, ‘हामी अञ्चल अस्पताल वरपरको ट्राफिक व्यवस्थापनका लागि पहल गर्दैछौं तर अहिलेसम्म हुन सकेको छैन ।’

सर्वसाधारणको सवारीसाधनको हावा खोल्नु गलत भएको भन्दै सिंहले भने, ‘त्यस्तो काम गर्ने ट्राफिक जवानलाई कारवाही गर्नेछौं । कही कतै सर्वसाधारणलाई ट्राफिकले दुःख दिने काम गर्दैछ भने हामीलाई जानकारी गराउनुस् । हामी उनीहरुलाई हदैसम्मको कारवाही गर्नेछौं ।’